– Joooo, da san jaaa gradonačelnik...
– Opa, a šta je, oli bi bija boji od ovega?
– Da boji? Sto puti!
– Šta bi ti učinija, baš da vidin...
– Ja? Evo, uzmimo na primjer, jesmo li mi grad na moru?
– E, jesmo, ma je boje reć – uzmore!
– A kako mi duperamo to blago božje? Samo liti za banjanje i koji put za poć trajekton do kojega škoja! Ovod dojdedu i turisti iz dalekega svita, pogledadu Rivu i Podrume i onda, ajde na picu i sladoled. Slikadu se sa rimskin manekenima na Peristil, i Bog te veselija, nazad na kruzera, na pravi obid trošit lovu.
A i naš domaći svit je još gori od furešti. Sve manje gremo ugrad, sidimo doma šoto klimatizera i buljimo u televiziju. Šta’š poć ugrad, nemaš di ni parkirat, a u svome market centru ionako jemaš sve šta ti od grada...