Razbolila se žena od brodovlasnika pa kad je osjetila da je kraj blizu zvala je ćer jedinicu:
- Ćerce moja budi dobra i poštena pa će ti svak pomoć!
Mala je dolazila svaki dan materi na grob i plakala. Nije prošla godina, otac se ponovo oženija a ova je sebon dovela dvi svoje ćere. Lipe, ali šporke na jeziku i u dušu. I tako je nastupija pakal za Garbuneru.
- Ol će ova glupa tuka sidit s nan? - govorile bi.
Iskidale su njezine vešte, vezale jon staru tašelanu traveršu i dale stare cavate.
- A vidi nan prinčipese, kako se dotirala! - sprdale bi se š njon.
Suvenir sa sajma
Kako jon je otac bija vlasnik luksuznoga starinskoga vaporeta, Garbuneri su dali radit najšporkije posle. Dizala se rano, prala, kuvala dok su jon polusestre činile dišpete. Uvečer, trudna od posla, legla...