Poslin pustih godin tribalo je poć u vižite kavani "Central", najstarijoj kavani na našoj obali s tradicijon dužon od dvista i pedeset godin. Velika obnova uvatila je Pjacu i polako se vraća u život, di god pogledaš, lipo je: oćeš li put Stare vijećnice, oćeš li put kuće Nakić ili na butigu "Bužančića", a "Central" je opet njezin biser. Samo je oni istočni dil, di je palača Cambj, apoteka "Ševeljević", Željezna vrata i Gradska ura, osta pod patinon. Da ne rečemo šporkicon. Isto ka i palača Karepić. Puno šoldi triba za to sredit, ali za prvu ruku mogle bi se ispjeskarit fasade. Na ovu stranu sve se zabililo, a onamo ruzina. Bar da je ispjeskarit ili vodon pod tlakon proć, pa kad dođe na red.
Koga ćeš zvat u društvo za vižite staroj kavani nego jednoga...